ఊపిరందిన నాడు ఏటికో మురిసితిని – ఎరుగా లేనైతి అది జతను వీడునని,
గయ్యాళి ఆలి వలె ప్రతి ఘడియ విడనాడి – తిరిగి జేరును బొంది రంగా!
నగుబాటు గాదంది రంగా!
ఊపిరందిన నాడు ఏటికీ మురిపెమని ఎన్నగా లేనైతి రంగా!
జంటబాయకు న న్ను రంగా! దయజూసి పాలించు రంగా!
పగటిలో రెయి లేదు రేయిలో పగలు – వెంట వెంటన నడిచి జంటయైనాయి,
ఉన్నదానిలొ లేక లేమిలో నిండున్న – భావమెరుకకు రాదు రంగా!
బహు వింత భావంబు రంగా!
ఊపిరందిన నాడు ఏటికీ మురిపెమని ఎన్నగా లేనైతి రంగా!
జంటబాయకు న న్ను రంగా! దయజూసి పాలించు రంగా!
సూర్య చంద్రలు కలిసి ఒక బాట నడిచితే – ముక్కంటి బంటులకు ముదిమి గలిగేనంట,
నింగిలో చందురుడు నిండుగా నవ్వితే – కడలి పోటెత్తేను రంగా!
ఇది ఏమి వరుసరా రంగా!
ఊపిరందిన నాడు ఏటికీ మురిపెమని ఎన్నగా లేనైతి రంగా!
జంటబాయకు న న్ను రంగా! దయజూసి పాలించు రంగా!
ఆట పాటల జగతి ఆటవిడుపట నీకు – ఆడి అలసిన వారి జేరదీసేవంట,
ఆడ నేర్వని నన్ను మాటిమాటికి జంపి – ఏమనెరిగించేవు రంగా!
ఏటికీ దొంగాట రంగా!
ఊపిరందిన నాడు ఏటికీ మురిపెమని ఎన్నగా లేనైతి రంగా!
జంటబాయకు న న్ను రంగా! దయజూసి పాలించు రంగా!
Yakshavani 