సారధిగ నీవుండ సాధ్యంబదెటుగాదు – సాందీఫ సంతతిని కావలేదా?
శ్రీవత్సమై విజయ వక్షమందుడగా – వైరి మడియక మనపు మంత్రమేది?
నారసింహునివైన – నగకన్య పతివైన – నగరి నేలెడివాడ వీవెగాదా?
కినుకగొన కారణము కొల్లలైయున్ననూ – సందుజేసుక కరుణ జూపలేవా?
రాక్షసాంతకుడ వీవు – రక్షకుడ నీవు – రమరమించెడు రమ్య లోచనుడ నీవు!
భూరి మన్నన లీయ నీ తరము గాకున్న- మన్నింపగల రెవరు మహిన మమ్ము?
తగువాడనని ఎంచి తగిలితీ తనువందు – తరముగాకున్నదిక తారకంబు!
దినము గడపుటకైన దిక్కు తోచకయుంది – దేహ యాత్రను నడుప తోడునిమ్ము!
Yakshavani 