నారదుని గానమున నాదించు పండు!

వెదికితే దొరకనిది – వెల లేని పండు,

వెఱ్ఱిసన్నాసులకు మనసైన పండు,

ఎన్నగా నేలికలు కొనలేని పండు,

ఎండు కోరిక బీడునందుండు పండు!

అస్తి అంతరమందు అమరున్నపండు,

అవని అంచులవరకు ఎదిగున్న పండు,

అంజనీపుత్రునకు రామునిచ్చిన పండు,

శబరి చూపులయందు నిలిచినా పండు!

హత్తిరాముని తోడ ఆడినా పండు,

రామదాసుని మందిని పండినా పండు,

సక్కుబాయికి సఖుని అండనిచ్చే పండు,

జయదేవు పదములలో పలికేటి పండు!

గోపకాంతల కనుల వెలిగేటి పండు,

దేవతలసురులన్న భేదమెరుగని పండు,

నందీశు ననుదినము నడపించు పండు,

ప్రేమచిరు చినుకులకు చిగురించి పండు!

 

 

 

వుధ్ధవుని వేదనలో మొలిచినా పండు,

పోతన్న పలుకులలో కులికేటి పండు,

త్యాగరాజుకు రక్తి నందించు పండు,

నారదుని గానమున నాదించు పండు!

రాధా మనోహరును జాడెరిగినా పండు,

రుక్మిణీసతి చెంత తేలియాడెడి పండు,

పంజరము నొదిగున్న నాచిట్టి చిలుకలను,

చెలువారగా  బిలిచి అందించ రాదా!