నీరాజనం!

కచ్ఛపిని పలికించు నఖము గలిగినయట్టి,

సురలోక సుందరికి – నీరాజనం!

ధవళ రాశులకుప్ప ఛాయ మించిన మణులు,

అమరున్న మకుటముకు – నీరాజనం!

కమలముకు కలువలకు – రాజైన రాయడుల,

అమరున్న కనులకిదె – నీరాజం!

అట్టి తాటంకములు తీరుగా గలిగున్న,

కర్ణశోభలకిదే – నీరాజనం!

వాసిగల నాసికను అశ్రయించిన నగకు,

మంచి కర్పూరంపు – నీరాజనం!

ధాత మోమున పండు నాదముల గ్రోలేటి,

వాక్సీమ వాకిలికి – నీరాజనం!

శ్యామలగ, శారదగ, మాతంగ కన్నియగ,

మము బ్రోచు భార్గవికి – నీరాజనం!

మదిజేరి మమ్మేలు హరి హృదయవాసినికి,

తళుకు చుక్కల నిండు- నీరాజనం!