తోడు ఫలమేమి?

సహస్రాక్షుడు వాడు – జగమంత నిండెనట,

రెప్పపాటే లేక పరికించి చూచునట,

రేయనక పగలనక గమనింప దగినట్టి,

వింత సంబరమేమి అమరున్నదిచట?

బీజమందలి మొలక వింతలోకమనెంచి,

వన్నె చిన్నెల చిగురు చిగురింప జేయగా,

భాను కిరణపు తాప మోర్వలేనా చిగురు,

వడలి బడలుట జూడ మోదమేమగును?

సర్వసాక్షివి నీవు సహవాసముండగా,

తల్లడిల్లెడి జగతి నిన్నేమనెరుగు?

విధివిలాసపు శరము వేధించుచుండగా,

కాపుగారని తోడు ఫలమేమ నెరుగు?