దుర్గతి నాశిని దుర్గా

కాళి వైనా నీవె – కాలమైనా నీవె

కరుణించి కాపాడు కనకదుర్గంమ్మా!

ఏలనిక నీవిలను ఏలికైయుండగా

చింత లెందుకు మమ్ము చెంతజేరు

చింత మాపెడి అరకు కుడిపి మనుపుము తల్లి,

మడియగా మా చింత మొదలు దాకా!

వరదాయినివి నీవు అనురక్తి నొలికింప,

రక్తి వీడిన మదిని మాలిమెంచు,

వదరు భావపు గుంపు నీచూపుతో తాకి,

తారకంబగు దారి తరల జేయు!

కోరికలు చెల్లించు కోమలాంగివి నీవు,

కొలువుదీరుండగా కొరత తగునా?

కోరలేదని నిన్ను కినుకగాంచకు నన్ను,

కొల్లలుగ నీ కరుణ కురియ జేయు!

కాళి వైనా నీవె – కాలమైనా నీవె

కరుణించి కాపాడు కనకదుర్గంమ్మా!