బుజ్జిమామా స్తోత్రం💐

ప్రమీలా మాతయందత్యంత ప్రేమ గల,

వినయంపు రూపైన నటరాజ పుత్రుడవు,

‘బలభద్రపాతృని’కి వన్నె తెచ్చిన ఘనత,

మెండుగా గలిగున్న ధన్వంత్రి నీవు!

 

వయోవృద్ధుల పట్ల, బీద సాదల పట్ల,

వ్యాధి పీడను బడ్డ బడుగు వారల పట్ల,

బహు ఓరిమిని గల్గి నేర్పుతో మనగల్గు,

నియమ బద్ధంబైన మూర్తిమత్వము గల్గు..

 

ప్రమీలా పుత్రడవు  – నటరాజ తనయుడువు..

 

విప్రవృధ్ధుల పట్ల, విద్యార్ధి పట్ల,

మానసిక క్లేశముల మనువారి పట్ల,

దయను దాక్షిణ్యమును దండిగా గలిగి,

సేద తీర్చుటయందు సంతసము నొందేటి,

 

ప్రమీలా పుత్రడవు  – నటరాజ తనయుడువు..

 

తల్లి మాటను మదిన అనుదినము తలపోసి,

తోబుట్టినవారి అండ దండగ నిలచి,

తనకంటు ఒక తోడు ఎన్నకే జీవించు,

బ్రహ్మనిష్ఠాపరుడు, యోగ సాధకుడు,

 

ప్రమీలా పుత్రడవు  – నటరాజ తనయుడువు..

 

స్వార్ధచింతన లేక భేషజములేక,

మేన మామై విధుల నెరవేర్చువాడు,

చిన్నాన్నగా తాను అన్న పిల్లల పట్ల

అనురాగమును దెల్పి మోదించు వాడు,

 

ప్రమీలా పుత్రడవు  – నటరాజ తనయుడువు..