దీపావళి

పండగట ఈనాడు – రక్కసుని దునుమాడ,

పడతి నడిపిన పోరు – పెనిమిటెదురుంగా!

నియమ పాలన కోరి – తనయు తల నరికినా,

తల్లి తనమున కిదియె- తుది యసస్సు!

యక్ష కిన్నెర నరుల గంధర్వ సుతుల,

సాటిరానీ అసుత సంతేల గంటివో!

తామసుల తపములను తొల్లియే ఒల్లకా,

వింత దీవెనలిచ్చు వివరంబదేమో!

పాల్కడలి డోలలకు- పన్నగుని మెత్తకు,

చెలువార నీచేతి చలువ సేవలకూ,

మోదమొందుచు మరుగు మాధవుడను,

ఉలికి పాటున లేపు తంత్రమిదియా!

వాని రెప్పల మాటు ఊహనోర్వగ లేక,

ఉనికి నెరపుటె నేడు ఉద్ధతాయె!

తల్లి తండ్రులు మీరు తగువు లెందుకుమీకు?

తీరికుంటే మమ్ము మనుపరాదా!