వేడెద వినుమా!

శేషుడు తల్పము ఒకనికి – ఆతడే మెడనూలొకనికి,
శేషము లెరుగని దయగల వేషంబున మనునొకతరి,
శేషాచల వాసుడగుచు గాచును సంపదలొసగుచు,
శేషింపక నా సంచిత నాశము జేయవె దయతో!

కరిగాచిన వరదుడొకడు – కరిచర్మాంబర ధారియొకడు,
కరి వదనుడు ఇంకొకండు కరుణను గనగా!
కరిభారము తరుగగు నా కర్మల భారము దీర్పవె,
కరిగిన దయగల వానివి గతినాకిక నీవే!

సోముడు శిఖపువ్వొకనికి – ఒకనికి వైరియు తానగు,
సోముని సోదరి మెచ్చిన సుందరుడింకొకడౌ,
సోమరి తనమున మునిగిన తనయుడి నేలుమటంచు,
సోముని వెలుగుల నాడెడి దేవుని నే గొలుతు!