పదము

ఆర్తజనమానసము లందగోరే పదము,
అవనీశులనవరత మాశ్రయించే పదము,
అతివ శ్రీసతి మెచ్చి మనసిచ్చినా పదము,
యోచనందున నిలుప యోచించు మనసా!

మునిమనోవాటికలు వేచి జూచే పదము,
మునుల మౌనమునందు నాదించు పదము,
ముని సంగముల సంగమాదరించే పదము,
యోచనందున నిలుపయోచించు మనసా!
అవని భారము దీర్ప అవతరించిన పదము,
అసురు ద్రుంచగ  ధరణి నడిచెనీ పదము,
అలస మానస అరకు అనరు ఈ పదము,
యోచనందున నిలుప యోచించు మనసా!

భవ బంధముల బాపు భవ్యమగు పదము,
భవ సంకటము గూల్చు సౌజన్య పదము,
భయభారమును దీర్చు దాక్షిణ్య పదము,
యోచనందున నిలుప యోచించు మనసా!

ఋషి యోచనాలోచ నందాడు పదము,
ఋగ్యదుసామములు కీర్తించు పదము,
ఋణ సంకటము దీర్చు ఋజువైన పదము,
యోచనందున నిలుప యోచించు మనసా!