కాళిక

కరుణాలయ కనుదోయిని కలిగిన కాళీ,
కామాంతకు మదినేలెడి – దానవ వైరీ,
మణగించవె మదదాహము నామది జేరీ,
శమియింపగ గత కాలపు కర్మల కలిమీ!

పరమేశుని లయ లాస్యపు పట్టపు రాణీ,
పలికింపవె ఆ లయలను నాపురి జేరి,
లయమొందగ పుర వైరులు మూలము వీగీ,
పొంగారగ నునుశోభలు వాసము మించీ!

శత బాహుల మొలనూలును కలిగిన దేవీ,
కాలాంతకు కడతేర్చిన విషధరు నాలీ,
తలపాలను మెడ మాలగ పొసగెడి తల్లీ,
ఆ మాలన నాశిరమును పొదగవె కాళీ!