ఎన్నడో… ఎన్నడో.

ఎన్నడో గద వేణుగానము – చేరి వీనులు నిండుట,
ఎన్నడో ఆ రాధికా సతి ఎంచి నా మొర తెలుపుట,
ఎన్నడో… ఎన్నడో..
నిండు వెన్నెల నీడలో -నిదురించు పల్లెల జోలలో,
ఎంచి చేరిన వీనులు – ఎంచి ఎరిగిన ఊసులూ…
ఎన్నడో మరి ఎన్నడో …. ఎన్నడో ఎన్నడో…
ఎన్నడో గద వేణుగానము – చేరి వీనులు నిండుట!

పండు వెన్నెల పొంగులో – మైమరచి కరగిన మనసులో,
తొంగి జూసిన ఊహలో – సిరి ఎంచి అందిన ఊసులూ..
ఎన్నడో మరి ఎన్నడో …. ఎన్నడో ఎన్నడో…
ఎన్నడో గద వేణుగానము – చేరి వీనులు నిండుట!

పంత మెరుగని రోహిణీ పతి – కుమ్మరించెడి వెలుగులో,
కలికి కన్నుల కదలు కలలో – ఎంచి చేదిన ఊసులూ
ఎన్నడో మరి ఎన్నడో …. ఎన్నడో ఎన్నడో..
ఎన్నడో గద వేణుగానము – చేరి వీనులు నిండుట!

ఎన్నడో ఆ రాధికా సతి ఎంచి నా మొర తెలుపుట,
ఎన్నడో… ఎన్నడో..