గంగ

  పరమేశు శిరమంది వసుధ పాపము దీర్ప,
వాసుదేవుని పదము వీడి జనినీరోజు,
వందనంబిదే అందుకో గంగమ్మ,
వదల కుందుము నీదు పణ్య పదము!
అష్టవసువుల శాప మాదరంబున బాప,
అవని నడచిన దివ్య దేవతవు నీవు,
ధరణి నడచెడివారి పాపభారము దీర్ప,
పలు ధారలై పుడమి ప్రవహించు నీవు!
వందనంబిదే అందుకో గంగమ్మ,
వదల కుందుము నీదు పుణ్యపదము!
అదితి సంతును సాక ఆదరంబున నీవు, (అదితి – భూమి)
జీవధారల నిచ్చు జనయిత్రి నీవు,
కలుషహారిణి నీవు – కైవల్య ఝరి నీవు,
కరుణ చినుకుల వాన కురిపించు నీవు!
వందనంబిదే అందుకో గంగమ్మ,
వదలకుందుము నీదు పుణ్యపదము!
జీవయాతనతోన మనలేని మనుగడన,
మన్ననెరుగని మనిషి నిను వేడకున్నా!
మానదానముజేసి మముబ్రోవుమో తల్లి,
మనుపమా కింకెవరు మధుర చరిత!
వందనంబిదే అందుకో గంగమ్మ,
వదలకుందుము నీదు పుణ్యపదము!