ఎన్నక గురు చరణంబులు

ఎన్నక గురు చరణంబులు – మన్నన నెంచరె విబుధులు,
వీనులు మెచ్చగ వినరే- సేవకజన భాగ్యంబును!
భవతారక సుధనందరె సాధకజన సంపన్నులు!
సారంబిదె సేవింపరె కులమంతయు తరియింపగ!!

వైకుంఠుడు గోపాలుగ ధరగావగ తరలినపుడు,
సాందీపుని సేవజేసి సరి విద్యల నెరుగలేద!
గురునాదరమందలేని విద్యలు వెలి యనలేద!
సరి సమయమనెరిగి మీరు సేవింపరె గురుపదములు!
||ఎన్నక గురు చరణంబులు – మన్నన నెంచరె విబుధులు,
వీనులు మెచ్చగ వినరే- సేవకజన భాగ్యంబును!||

శ్రీనారద గురుమౌనుల దీవెనచే త్యాగరాజు,
భవతారక తేరగు శుభ నామంబును గనలేదా!
గురుసేవల నెన్నలేక హరిపదముల కనలేరని,
మునుపెందరొ వివరించిన వివరము గని మనరాదా!
||ఎన్నక గురు చరణంబులు – మన్నన నెంచరె విబుధులు,
వీనులు మెచ్చగ వినరే- సేవకజన భాగ్యంబును!||

గోవిందుని జాడ దెలుపు గురుసన్నిధి విడరాదని,
గోస్వాములు ఎరిగించిన తత్వార్ధము వినలేదా!
బోయకు జ్ఞానంబిచ్చిన కరుణను కనుగొని మీరిక,
కలవరముల కడకుత్రోయు గరుసన్ని గొనరాదా!
||||ఎన్నక గురు చరణంబులు – మన్నన నెంచరె విబుధులు,
వీనులు మెచ్చగ వినరే- సేవకజన భాగ్యంబును!||