విడువకే నన్నెపుడు

విడువకే నన్నెపుడు – విరిరాజ హర వినుత,
వింత లోకపు దారి – దూరి దరి మరచేను!
విడువకే నన్నెపుడు – విరిరాజ హర వినుత!

మాటుమరచిన క్రోధ మెదిగి మోహంబాయె!
వన్నె చిన్నెలు తొడిగి తనువంత నెలవాయె!
శమ దమంబుల యశము – సూటిగా మదినాటి,
నాటి సంగము నెరపి – దరి దారి నడిపించు!
|| విడువకే నన్నెపుడు – విరిరాజ హర వినుత!!||

లోభమెంచక జగతి లాలనెంతో జేసి,
పలు తెరంగుల మనిపి మరలించ నెంచేను,
మరలి మరుగున జేర దొడ్డతనమా నీకు?
నలిగి మలుగక ముందె – దరి జేరి మన్నించు!
|| విడువకే నన్నెపుడు – విరిరాజ హర వినుత!!||