ఎరిగించు చిలక

గరుచరణ సేవంచు ఊరంత తిరిగేవు !
గురువేమి ఎరిగించు చిలకా?
తనువు నిచ్చినవారు – తనువు పంచిన వారు-
తోడుండ దిగులేల చిలుకా?

తనువు నిచ్చినవారి తోడు నెంచితివేని,
వారు తరలిన నాడు – వేదనల మునిగేవు,
వెదకి అలసిన కూడ కనలేక వగచేవు,
వగపుదీరెడి తావు గురుచరణమని ఎరిగి …
నేడె చేరుము గురుని నరుడా!
తనువు తరుగక ముందె నరుడా!

తనువు పంచినవారి తోడెంచి పురజనులు,
సంతు బంధము నందు బ్రతుకంత నలిగేరు,
 వగపు బాపెడి తావు వెదకేల అలసేవు,                                         గురుచరణ సన్నిధియె సకల తీర్ధమనెరిగి…. 

నేడె చేరుము గురుని నరుడా!
తనువు తరియించగా నరుడా!

తనువు బంధాలన్ని తరిగి కరుగనవేన?
తగిలుండు వారెల్ల తొడువీడెడి వార?
తరియించు దారులన తరలించు తేరైన,
గురుని శరణమునెంతు చిలుకా …..

చరణసేవల జేతు చిలుకా!
తరియింప తలతునే చిలుకా !!