గురువు

గురుతెరింగిన గురువు గుమ్మాన నిలచుండ,
తలపు తలుపుల తెరువ తొందరొందవదేల?
తరలించి దరి జేర్చు తేరంటి గురుపదము,
తగులు తొందర లేని సావధానమదేల?

పొద్దుపొడువక ముందె పూలన్ని పుణికేవు,
అగరు చందన గంధ అత్తరుల నందేవు,
తనువు సింగారించి తరలి గుడి కరిగేవు,
పూజించగా నెవని తలపందు నిలిపేవు?

పొందనేదో ఎంచి పలుమారు తలచేవు,
తగిలి తలపులలోనె బ్రతుకంత గడిపేవు,
పొందునందిన వాని పోలికే మరచేవు,
మరపు మాపెడి మందు ఎరుకేల గనలేవు?

మనసు నిండని పూజ తీరుగా జేసేవు ,
పలు తెరంగుల తిరిగి శాస్త్ర విజ్ఞత నెరిగి,
తీరైన తీరొకటి తలపందు నిలుపంగ,
పట్టగలిగిన పట్టు పట్టనెంచే దెపుడు?

తనువు రాలక ముందె తెలివి నొందవదేల?
తలపు తలుపుల తెరిచి గురుతొంద వేల?
గుమ్మాన నిలచినా గురువరుని గరుతెరిగి,
కదిలి పాదము కడిగి కరిగిపోవేలా?