గౌరీ మనోహర గంగా జటాధరా – హిమగిరి వాసా శంకరా !
వేడగ నీదరి చేరెడి వరాల – వేడుక దీరగ కూరిమి కురియర!!
గౌరీ మనోహర గంగా జటాధరా – హిమగిరి వాసా శంకరా !
తూలిన తనువుల సమిధల హోమము – వాసపు వాకిట వేడుక యాగము ,
కనవచ్చిన నీ దాసుల దయగని – పిడికెడు కచికల కొనిపోమ్మందువా ?
|| గౌరీ మనోహర గంగా జటాధరా – హిమగిరి వాసా శంకరా !||
సురలసురులు గొన వెరచిన గరళము – విందుగ పొందిన వేదవిహార ,
వెరపును బాపగ వేడెడి వారకు – పంక్తిన నీవదే పంచగ నెంతువా ?
|| గౌరీ మనోహర గంగా జటాధరా – హిమగిరి వాసా శంకరా !||
నాగాభరణము లురమున ఆడగ – కాలుని గతులకు జాతయగువాడా ,
నానా ఇడుముల మడియగ వేడిన – ఫణి హారములనే కానుక నిత్తువా?
|| గౌరీ మనోహర గంగా జటాధరా – హిమగిరి వాసా శంకరా !||
శివ శివ శివ యన శుభములు కురియర – శరణని వేడిన కరుణను జూడరా ,
మన్మధు గాంచిన కంటను గాంచకు – అనరులు బాపిక ఆదరమెంచర !
గౌరీ మనోహర గంగా జటాధరా – హిమగిరి వాసా శంకరా !
వేడగ నీదరి చేరెడి వరాల – వేడుక దీరగ కూరిమి కురియర!!
గౌరీ మనోహర గంగా జటాధరా – హిమగిరి వాసా శంకరా !
Yakshavani 