నిన్నే నమ్మినార నీరజాక్ష రార!

నిన్నే నమ్మినార నీరజాక్ష రార!

మనసు నిండ నిన్నే ఎంచ బూనినాను !!

నిన్నే నమ్మినాను నీరజాక్ష రార !!

                                   వింత జూతమంచు వెడలి లోకమందు ,      

                                   సుంత మోహామొంది బొంది దూరితిని!!

                                   బొంకు భావనేదో ముందు దారి జూప,

                                   దూరి జారీతిని – దారి మరల నైతి !!   

నిన్నే నమ్మినాను నీరజాక్ష రార !      

  మనసు నిండ నిన్నే ఎంచ నెంచితిని !!

                                  వారు వీరు నడచి దారి జెసిరంచు ,

                                  సొంత యోచనెంచి జోరు నెంచితిని,

                                  పొంత నెంచలేని వింత నడత జూసి,

                                   బేలనైతి నయ్యా – తోడు నీవయ్యా !!

       నిన్నే నమ్మినాను నీరజాక్ష రార !

       మనసు లోన నిన్నే ఎంచ బూనితిని !!

                                 మనసు పంకమంచు తొలగి యుండబోకు,

                                  నీదు పాదమూన పంకజంబు నుంచు!!

                                  పరుల పంచ జేరి జారినానానకు,

                                  చేరదీసి నీవే – చీడ లన్ని బాపు !!

      నిన్నే నమ్మినాను నీరజాక్ష రార!

       మనసు లోన నిలిచి నన్ను కావుమైయ్యా!

                                    నిలువ నీడ లేని నిండు జగము నీది,

                                     నిలకడెన్చు మంచు – ఆన నిడుత  తగునా !

                                     నేరకెంచితిని ఘోర నేర పధము,

                                     తల్లి తండ్రి నీవే – తొలగి యుండ తగునా !

      నిన్నే నమ్మితిని నీరజాక్ష రార !

      మనసు జేరి నాది చేరదీయ వైయ్య !!

                                      వాదులాడి నీతో ఒడి గెలిచారు ,

                                         గెలిజేసి  నిన్ను – ఆడి ఓడినారు !

                                        కావరమ్మానంచు కొలిచి గెలిచారు ,

                                         వారి వారసులమే మమ్ము మరువకైయా!! 

       నిన్నే నమ్మితిని నీరజాక్ష రార!

      మనసు మరుగు జేసి మమ్ము బ్రోవుమైయ్యా !!