డోల డోల డోలా డోల

డోల డోల డోలా డోల – నందబాల డోల,
వసుధను వైకుంఠంబుగఁజేసెడి –
వరమందిన ఆ వనితామణిమది
డోల డోల డోలా డోల – నందబాల డోల!!

సురవైరులు తమ వైరిని కనుగొన,
వివిధగతుల మది విచలిత మొందగ!
డోల డోల డోలా డోల – నందబాల డోల!!

వారిజనయనులు హరి సంగతినొందగ,
పలు సేవల మది యోచన సేయగ!
డోల డోల డోలా డోల – నందబాల డోల!!

హరి పద స్పర్శకు మేదినిమురియుచు,
పులకితయై విరి విందులుసేయగ!
డోల డోల డోలా డోల – నందబాల డోలా!!

కాళియు పడగన నర్తన జేసేడి ,
హరి పదిమందిని పరిజనమదిసడి
డోల డోల డోలా డోల – నందబాల డోలా !!

గోవర్ధనగిరి గొడుగున నిలచిన ,
గోవులఁగాంచిన దేవరాజు మది ,
డోల డోల డోలా డోల – నందబాల డోలా !!

గొల్లల గోవుల రూపున నాడెడి,
గోవిందుని గన పద్మభవునిమది,
డోల డోల డోలా డోల – నందబాల డోలా !

రాసలీల గన గగనమునిండిన ,
సురసంతతిమది సంతసమందిన!
డోల డోల డోలా డోల – నందబాల డోలా!!

నందుని అంగన దండన వెఱపున,
పాదమువిడి హరి కనుల పొంగు సుధ!!
డోల డోల డోలా డోల – నందబాల డోల!!

లేగలు కుడువని పొదుగుల పాలను,
పంతమాడి హరి హరియింపఁగని,
డోల డోల డోలా డోల – నందబాలాడాలా !!

కంసునికై గొను చందన గంధము,
వాని వైరికిడు అతివంతరంగ గతి,
డోల డోల డోలా డోల – నందబాలడోలా!

అంతరంగమున అతిసుందరుడౌ,
హరిలీలలు గని సంతసించుమది ,
డోల డోల డోలా డోల – నందబాల డోల !!

డోల డోల డోలా డోల – నందబాల డోల !!