వర సుందరా!

వర సుందరా ! ధర సుత వందనా!
దాసజనావన పాలన పోషక,
వైరి భావ భయ రిపు భజనా!

కూరిమి నొసగెడి కోమల కరములు,
లాలన నెంచెడి – కన్నుల వెలుగులు,
ఎన్నడు మాయని – అభయపు నగవులు,
యోచనగా గను భాగ్యమునీయర||
వర సుందరా! ధర సుత వందనా!!

విబుధులు తలచెడి చిన్మయ నాదము,
వేదము తెలిపెడి తారక నామము,
నాశమునెరుగని జీవపు నాదము,
వీనుల నిండెడి వరములు కురియర!||
వర సుందరా! ధర సుత వందనా!!

కామిత వరదుడ – కాలుని పాలక,
కనికర మెంచగ – జాగును సేయకు,
జాగెరుగని ఆ కాలుని దూతల,
చేతలు చిదుముచు చెంగట చేర్చర!

వర సుందరా! ధర సుత వందనా!
దాసజనావన పాలక పోషక,
వైరి భావ భయ రిపు భజనా!!