గోవు గాచినవాడు

గోవు గాచినవాడు – కావడే నన్ను,
మాయకవ్వలి వాడు – కావడే నన్ను!
ధరణి నేలెడి వాడు- కావడే నన్ను,
విబుధ వినతుడు వాడు – కావడే నన్ను!!

కరిని గాచిన వాడు – కావడే నన్ను,
ఫణుల నాడెడి వాడు- కావడే నన్ను,
శేష శయనుడు వాడు – కావడే నన్ను,
శేష మెరుగని వాడు – కావడే నన్ను!!

గుణము లెరుగనివాడు – కావడే నన్ను,
మంగళాంగుడు వాడు – కావడే నన్ను!
మురళి నూదెడి వాడు – కావడే నన్ను,
నాద రూపుడు వాడు – కావడే నన్ను!!

రేపల్లె బాలుడు వాడు – కావడే నన్ను,
రాస లోలుడు వాడు – కావడే నన్ను,
రమ నేలు పతి వాడు – కావడే నన్ను,
ముని సంగుడగు వాడు – కావడే నన్ను!!