Author: yakshavani
తొలి కుడుపు
గాలి గుసగుస
జయ జయ శంకరి
జయ జయ శంకరి – విశ్వకుటుంబిని
విజయము చేయవె – విభవములమరా!
వేడెద నీదయ వేడెద సన్నిధి,
వెరపును మాపవె కాంచన రాశీ!
మదనుని పాశము నాశము జేయకే,
కరముల గొంటివి – నళినదళాక్షీ,
నాశము జేయవే మోహము నాలో,
కాముని కరములు సోకిన తనువున…
జయ జయ శంకరి – విశ్వకుటుంబిని
విజయము చేయవె – విభవములమరా!
మత్సర మణచెడి మాతవు నీవని,
మదినమ్మితి నే మాధవు మహిషీ,
మరులను గొలుపక మచ్చిక నెరపుము,
మాయను బడితిని మనుపుము తల్లీ..
జయ జయ శంకరి – విశ్వకుటుంబిని
విజయము చేయవె – విభవములమరా!
వేదాంగంబులు అమరిన రాణివి,
చల్లని చూపుల నేలెడు వాణివి,
చెలువము చిలుకవె చింతల పాదున,
మూలము మడియగ నా బీరమునా..
జయ జయ శంకరి – విశ్వకుటుంబిని
విజయము చేయవె – విభవములమరా!
వేడెద నీదయ వేడెద సన్నిధి,
వెరపును మాపవె కాంచన రాశీ!
Yakshavani 