సప్తగిరి వాసా

గోవింద నామమున నడయాడువాడు,

నామ మాలల పూజ నందుకొను వాడు,

అగరు చందన అత్తరు లమరున్నవాడు,

ఆనంద గపురపు ధాముడగువాడు!

సప్త గిరులను నడచి ఆలి జేరెడివాడు,

కాసు రాసుల రవము నలరారు వాడు,

కేశముల మారుగా కామితార్ధము దీర్చి,

భాగ్యవంతుని కైన – కడుపేద కైనా,

కడతేరు దారులను ఎరిగించు వాడు!

కలిమి గలిగిన వాడు కడతేర్చు వాడు,

కలి వేల్పుగా ఇలన వెలుగొందువాడు,

కాపు గాసెడివాడు కనతండ్రి వాడు,

కలిగించడే మాకు వరద భావమును!