18th August -2026 . మా అమ్మ నన్ను కన్న తెనాలి నుంచి వేల మైళ్ళ దూరంలో ఉన్నాను. అమ్మ ఇప్పుడు లేదు, కానీ ఆ అమ్మ ఇచ్చిన , పెంచిన శరీరంలో ”నేను” ఉన్నాను. ఈ రోజు మా అమ్మ పుట్టిన రోజు .. ఆ తలపు
క్షయము గానక్షరము పట్టి నేర్పిన తల్లి,
అరకు గానొక అరకు కుడిపి పెంచిన తల్లి,
తనువు తారణ తరిని తరచి తెలియుమనంచు,
జగతి దారుల వెంట తరల జేసిన తల్లి!!
తనువు నిచ్చిన తల్లి! నా కన్న తల్లి!!
జగదంబ ఒడినుండి జారీ వచ్చితినంచు ,
పలుమారు ఆ తల్లి తలపు తలపున నిలిపే!
జగతి దారుల వెంట జంట యామేయంచు,
దారి లేనీ పుడమి పయనమందు మనంది!!
తనువు నిచ్చిన తల్లి! నను గన్న నాతల్లి ||
మోము నీరజమంచు చేరవొత్తురు ఒకరు
తుది వాసమని ఎంచి తొలగువా రింకొకరు !!
చేరినా- తొలగినా – తొలగువారనెఱిగి
తగిలుండు ఆ పతిని తలచి తరలుమనంది!!
తనువు నిచ్చిన తల్లి! నను గన్న నాతల్లి ||
నాటి మాటల కుడుపు – నేటికిని మనుగుడుపు,
మమత ఊటలమూట మాటెరుగనా మాట!
తనదారి తానెపుడో తరలి పోయినగాని,
తానిచ్చినీ తనువు తలచు తన్నెపుడూ !!
వర్ధిల్లవమ్మ నా మనసునందెపుడూ,
వందనంబిదె నీకు – దీవించు నన్ను !!
Yakshavani 